Liburutegiak

ZER DAKIDAN: Orain arte, edozein proiekturen kode guztia main.c fitxategian kokatu dut. Baina baliteke proiektu baten kodea iturburu-fitxategi desberdinetan banatzea. ZER IKASIKO DUDAN: Orain ikasiko dut proiektu baten kodea bi fitxategietan idazten: fitxategi bat kanpoko liburutegia izango da eta bestea liburutegi horren bezero-programa.

---

Aurrekariak

Dakigunez programa exekutagarria eskuratzeko iturburu-programaren itzulketa bat burutu behar da, eta horretarako konpiladorearen eta estekatzailearen beharra daukagu. Biak jarraian lan egiten dutelako (lehenik konpiladorea eta ondoren estakatailea) guretzat prozesu bakarra bezala agertzen zaigu. Eskematikoki:

Adibide honetan aritm.h kanpoko liburutegi bat sortuko dugu eta bezero-programak liburutegi horren erabilpena egingo du. Adibide honek kopuru osoak landuko ditu, oinarrizko eragiketa aritmetikoak burutuz. Baina main.c bezero-programatik hasiko gara, honek main() funtzio nagusia barneratzen du.

---

Programa bat idatziko dugu aritm.h liburutegia erabiliko duena, proiektu honi LiburutegiAdibidea.cbp deituko diogu eta bere funtzio nagusia main() izango da, ikusi Code::Blocks ingurunean main() funtzioa:

Ikusten denez, bezero-programa deitzen den main.c programaren main() funtzio nagusian fitxategi baten sartzea egiten da #include "aritm.h" konpilazio-jarraibideren bitartez. Ondorioz, aritm.h liburutegian garatu diren funtzioak edo definitu diren konstanteak libreki erabil ditzake main.c bezero-programak.

Hauxe da main() funtzio nagusiaren kodea, non ZatiduraEtaHondarra() funtzioa, Batu() funtzioa eta Kendu() funtzioa erabiltzen diren, nahiz eta haien kodea main() funtzio nagusian ez dauden:

/* LiburutegiAdibide.cbp proiektua*/

#include <stdio.h>   // liburutegi estandarra
#include "aritm.h"   // kanpoko liburutegia sartzeko

int main()
{
    int iEragigai1, iEragigai2, iBatura, iKendura, iZatidura, iHondarra;

    printf("\n\n");
    printf("%30s", "Lehen eragigaia eman: ");
    scanf("%d", &iEragigai1);

    do
    {
        printf("%30s", "Bigarren eragigaia eman: ");
        scanf("%d", &iEragigai2);
        if (iEragigai2 == 0)
        {
            printf("%30s\n", "Datua ezin daiteke 0 izan");
        }
    } while (iEragigai2 == 0);

    // Aritmetika funtzioak erabiltzen dira
    iBatura = Batu(iEragigai1, iEragigai2);      // "aritm.h" liburutegian garatuta
    iKendura = Kendu(iEragigai1, iEragigai2);    // "aritm.h" liburutegian garatuta
    ZatiduraEtaHondarra(iEragigai1, iEragigai2,
                        &iZatidura, &iHondarra); // "aritm.h" liburutegian garatuta

    printf("\n");
    printf("%15d + %d = %d\n", iEragigai1, iEragigai2, iBatura);
    printf("%15d - %d = %d\n", iEragigai1, iEragigai2, iKendura);
    printf("%15d / %d = %d\n", iEragigai1, iEragigai2, iZatidura);
    printf("%15d %% %d = %d\n", iEragigai1, iEragigai2, iHondarra);

    printf("\n\n");
    return 0;
}

Baina ikas dezagun #include konpilazio-direktibak edo jarraibideak behar duen sintaxia:  

#include "aritm.h" #include aurre-prozesadorearen jarraibideari fitxategia sartzea esaten zaio eta, dakigunez, bere sintaxia #include <FitxategiIzen> da, edo bestela beste sintaxi hau onargarria da ere #include "FitxategiIzen". Sintaxi bien arteko aldea honela adierazten da: #include <FitxategiIzen> erabiltzean, sartu beharreko FitxategiIzen izeneko fitxategia konpiladoreak duen karpeta batean hasiko da bilatzen #include "FitxategiIzen" erabiltzean, sartu beharreko FitxategiIzen izeneko fitxategia proiektuaren karpetan hasiko da bilatzen

#include "aritm.h" liburutegia honelaxe gehitzen da proiektura. zalpenak bost urrats ditu:  

1/5

Programazio-inguruneko menuan  File > New > File...  aukera hautatu ondoren C header fitxategi-mota aukeratu

2/5

Jarraian, liburutegiaren izena eta bidea zehaztuko dira

3/5

Hurrengo leiho honen bitartez liburutegia gehituko zaio proiektuari, proiektuari dagokion bidea zehaztu

4/5

Proiektuaren Headers karpetan egongo da liburutegia, konpilazio baldintzatuaren jarraibieak kendu

5/5

Liburutegiaren kodea idatzi, bertako funtzioak eta konstanteak eskuragarri dira bezero-programarentzat

Azken urratsa liburutegiaren kodea idaztea da. Dagokigun aritm.h liburutegiaren iturburu-kodea hauxe da, non ZatiduraEtaHondarra() funtzioa, Batu() funtzioa eta Kendu() funtzioa programatu diren, eta main() funtzio nagusiak erabil ditzakeen:  

/* "aritm.h" liburutegiaren kodea */

void ZatiduraEtaHondarra(int iZbk1,
                         int iZbk2,
                         int *iZati, // irteera
                         int *iHond) // irteera
{
    *iZati = iZbk1 / iZbk2;
    *iHond = iZbk1 % iZbk2;
}

int Batu(int iZbk1, int iZbk2)
{
    return iZbk1 + iZbk2;
}

int Kendu(int iZbk1, int iZbk2)
{
    return iZbk1 - iZbk2;
}

LiburutegiAdibidea.cbp proiektua konpilatzean, main.c bezero-programaren iturburu-kodea eta aritm.h liburutegiaren iturburu-kodea konpilatzen dira, haien objektu-programak estekatu egiten dira LiburutegiAdibidea.exe programa exekutagarria eskuratzeko.

Konpilatu/Estekatu ekintzen eskema:

---

LiburutegiAdibidea.cbp | main.c                [bezero-programa] LiburutegiAdibidea.cbp | aritm.h               [kanpoko liburutegia]