C programa lortzeko, hurrengo irudian adierazten diren hiru urratsak bete behar dira:
- Editzea: Programaren kodea testu-fitxategi batean A.c (edo gehiagotan, B.c) idatziko dugu editore bat erabiliz. Idatzitako kode horri iturburu-programa edo iturburu-kode esaten zaio, guretzat irakurgarria da baina makinak digitalak (ordenadoreak) ez du ulertzen. iturburu-programa itzuli beharra dago makina-kodea lortzeko.
- Konpilatzea: Konpiladorea programak itzultzaile lanak betetzen ditu eta kargatzen zaion iturburu-programari dagokion makina-kodea ematen du, A.c iturburu-programatik A.o objektu-programa (edo A.obj objektu-programa) emango du konpiladoeak. Makina-kodea ez da irakurgarria guretzat kode bitarrean dagoelako baina ordenadoreak uler dezake.
- Estekatzea: Ordenadoeak objektu-programak uler ditzake baina ezin ditu exekutatu zenbait zati falta zaizkielako, adibidez D.lib liburutegietan gordetzen diren funtzioak falta zaizkio. Estekatzaile (edo linker, edo muntatzaile) programak elkartu egiten ditu konpiladoreak emaniko objektu-programak eta liburutegietako gainerako moduluak. Emaitza, bilatzen dugun A.exe programa exekutagarria da.
Esan bezala, urratsak hiru dira, nahiz eta azken biak (konpilatzea eta estekatzea) elkarrekin burutzen diren bata bestearen ostean eta gehienetan urrats bakar bat dela iruditzen zaigun. C programa bat konpilatzean, GCC konpiladore programak azken bi lanak jarraian burutzen ditu: kodea konpilatu eta liburutegiekin lotu.
Hurrengo bideoan erakusten da nola instalatu MinGW (Minimalist GNU for Windows) konpiladorea:
Dena den, gomendatzen da biak aldi berean instalatzea. Hau da, Code::Blocks ingurunearen instalazioa artikuluan azaltzen den bezala, Code::Blocks programazio-ingurunea eta berarekin batera MinGW (Minimalist GNU for Windows) konpiladorea elkarrekin instalatzea.
iruzkinik ez:
Argitaratu iruzkina